gérmaniyede ximiye zawutidiki partlashta 2 kishi qaza qilip, 31 kishi yarilandi
tünügün gérmaniyening léwérkusén shehiride «Currenta» shirkitige tewe ximiye zawutining qattiq tashlanduqlarni köydürüsh bölimide yüz bergen partlashta qaza qilghanlarning sani 2 kishige yetti.
türkiye awazi radiyosi xewiri: «Currenta» shirkiti teripidin élan qilinghan bayanatta, partlashta ikki kishining qaza qilghanliqi we 31 kishining yarilanghanliqi bildürüldi.
bayanatta 5 kishining hazirghiche iz- dériki yoqluqi, izdep qutquzush xizmetlirining dawamlishiwatqanliqi uqturuldi.
yoqap ketkenlerdin birsining erdoghan s isimlik türk ikenliki bildürülmekte.
léwérkusén ot öchürüsh tarmaqlirimu eqliy iqtidarliq téléfon ishletküchilerge «yuqiri derijilik xeter» dégen agahlandurushni yollidi.
shimaliy réyin-wéstfaliye ölkisi ichki ishlar ministiri hérbért réul yerlik metbuatlargha bergen bayanatida, partilashning sewebi toghrisida hazirche bir nerse déyelmeydighanliqini éytti.
hérbért réul ot öchürüsh etritining partlash rayonida ichide 100 ming litir asan yanidighan zeherlik tashlanduq bar yene bir bakni qoghdash arqiliq chong xeterning aldini alghanliqini bildürdi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
