yaponiye rusiye bash ministirining kuril arili ziyaritige naraziliq bildürdi
yaponiye rusiye bash ministiri mixail mishustin (Mihail Mişustin) ning kuril arallirini ziyaret qilishini «nahayiti teleysizlik» dep atidi.
türkiye awazi radiyosi xewiri: yaponiye kabéntining bash katibi kato katsunobu muxbirlarni kütüwélish yighinida, rusiye bash ministiri mixail misushtinning xokkaydoning shimaligha jaylashqan kuril taqim aralliri ichidiki étorofu arilini ziyaret qilghanliqigha naraziliq bildürdi.
bash katip kato katsunobu mishustinning ziyaritining shimaliy arallar mesiliside yaponiyening izchilliqqa ige meydani bilen zitlishidighanliqini we intayin teleysiz weqe ikenlikini eskertti.
u yaponiyening ziyaret sewebidin rusiyege naraziliq ultimatomi tapshuridighanliqini uqturdi.
rusiye bash ministiri mixail misushtin töt künlük yiraq sherq we sibiriye ziyariti dairiside, étorofu ariligha yétip bérip, araldiki bir doxturxanini we déngiz mehsulatliri ishlepchiqirish merkizini ékskursiye qildi.
yaponiye kyodo agéntliqining xewiride bildürülishiche, tokyo mishustinning arallarni ziyaret qilishtin yiraq turushni telep qilghan.
sabiq sowéitler ittipaqi ikkinchi dunya urushining axirida, yeni 1945-yili yaponiyening tinch okyan bilen oxotsk déngizini bir-biridin ayrip turidighan we uzunluqi texminen 1300 kilométir kélidighan kuril arallirini özige qoshuwalghan idi.
«shimal rayonliri» dep atalghan zémin parchisi mesilisidiki kélishmeslik sewebidin, yaponiye bilen rusiye otturisida tinchliq kélishimi imzalash üchün ötküzülüwatqan uchrishishlar netijisiz qalmaqta.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
