iyordaniye padishahi isirailiye rehberliri bilen körüshkenlikini bildürdi

türkiye awazi radiyosi xewiri: iyordaniye padishahliq diwani amérikaning s n n (CNN) téléwiziyesining padishah 2-abdullah bilen ötküzülgen ziyaret xatirisini élan qildi.

padishah 2-abdullah naftali bénnét rehberlikidiki isirailiye hökümiti bilen pelestinlikler otturisida tinchliqning emelge éship-ashmaydighanliqi toghrisidiki soalgha jawab bergende: «yéqinda ghezzege qilinghan hujumlardin kéyin, pelestin hökümiti bilen körüshüshüm muhim idi. pelestin dölet reisi mehmut abbas bilen körüshtüm. isirailiye dölet mudapie ministiri we bash ministiri bilen körüshüshümmu muhim idi. chünki 2014-yildin tartip tonglitip qoyulghan pelestin-isirailiye muzakirelirini qaytidin bashlash üchün barliq tereplerni söhbet üstilige olturghuzushimiz lazim» dédi.

u mezkur körüshüshlerdin ümidlengenlikini eskertip, ötkenki heptilerde isirailiye we pelestinning bu toghrida ilgirilesh hasil qilishqa teyyar ikenliklirini bildüridighan bayanatlarni élan qilghanliqini qeyt qildi.

u isirailiyening pelestinliklerning heq-hoquqini qayturup bermey turup, hazirqi ehwalni dawamlashturush we erebler bilen tinchliq kélishimi imzalash pursiti toghrisida gep qilishning, nurghun mesililiri bolghan xata qarash ikenlikini bildürdi.

féwral éyida (2021) isirailiye taratqulirida dölet mudapie ministiri gantzning iyordaniye padishahi 2-abdullah bilen mexpiy körüshkenliki toghrisida xewerler élan qilinghan idi.

isirailiye bilen pelestin otturisidiki tinchliq söhbetliri 2014-yili aprélda, isirailiyening «1967-yildiki chégralarni we mejburiy köchüshke duchar bolghan pelestinliklerning yurtlirigha qaytish hoquqini, qanunsiz yehudiy ahaliler rayoni qurushni axirlashturushni» qobul qilmasliqi sewebidin toxtap qalghan idi.