тунис пирезиденти һөкүмәтни өткүзүвалди

түркийә авази радийоси хәвири: тунис пирезиденти қайс сәид баш министир һишам әлмешишини вәзиписидин қалдурғанлиқини вә өзи вәзипигә тәйинләйдиған баш министир билән һөкүмәтни өткүзүвалидиғанлиқлирини, чириклик делолирини оттуриға чиқириш үчүн баш тәптишлик вәзиписиниму өзиниң үстигә алидиғанлиқини әскәртти.

у һәр қайси дәриҗилик һәрбий қоманданлар вә хәвпсизлик мәсуллири иштирак қилған йиғиндин кейин, таарқатқан видеода «туниста йүз бериватқан булаң-талаң, от апитигә охшаш вәзийәткә қарита, дөләтни қутқузуш үчүн алаһидә муһим тәдбирләрниң елиниши керәкликини» тәкитләп, намини тилға алмиған аз сандики гуруппиларниң бәзи районларда ички уруш чиқириш үчүн пул топлиғанлиқини илгири сүрди.

у бир қанчә ай илгири чиқирилиши керәк болған мәзкур қарарларни парламент башлиқи рашид әл ганнуши вә баш министир һишам әлмешиши билән өткүзүлгән музакирәләрдин кейин чиқарғанлиқини қәйт қилди.

у парламентниң барлиқ һоқуқлири, парламент әзалириниң алаһидә имтийазлирини тоңлатқанлиқини, мәвҗут баш министир һишам әлмешишини вәзиписидин қалдурғанлиқини вә өзи вәзипигә тәйинләйдиған баш министир билән һөкүмәтни өткүзүвалидиғанлиқини билдүрүп, бир қарарнамә елан қилидиғанлиқини вә мәзкур қарарларниң дәрһал йолға қойулидиғанлиқини әскәртти.

туниста һәммә айродурумлар вә чегра еғизлириниң тақалғанлиқи вә армийәниң бәзи сийасәтчиләрни тутқун қилишқа башлиғанлиқи тоғрисида хәвәрләр елан қилинди.

парламент башлиқи ганнуши бу өзгиришләрни: «һәрбий өзгириш» деди.

у: «тунис бир йеңи мисир, сәид болса сиси (мисирда һәрбий өзгириш билән тәхткә чиққан абдулфәттаһ әл сиси) болмайду.  демократик усулда сайланған парламент вә һөкүмәт вәзиписиниң бешида» деди.

у йәнә, хәлқни «демократийәни қайтидин тәсис қилиш үчүн тинчлиқ усулда күрәш қилиш» қа чақирди.

тунис хәлқиниң пирезидент қайис сәид байанат елан қилип узун өтмәйла кочиларға чиқип тәбрикләшкә башлиғанлиқи көрүлди.

өткәнки айларда, болупму пайтәхт тунисни өз ичигә алған нурғун шәһәрләрдә, һөкүмәт вә өктичи партийәләргә қарши кәң көләмлик намайишлар йүз бәргән болуп, йүз бәргән вәқәләрдә нахда партийәси қатарлиқ көплигән партийәләрниң мәркәзлири һуҗумға учриған иди.