awstriye tertipsiz köchmenlikke qarshi chégrisidiki eskerler sanini köpeytidighan boldi

türkiye awazi radiyosi xewiri: awstriye ichki ishlar ministiri karl néhammér we dölet mudapie ministiri klawudya tannér birleshme axbarat élan qilish yighinida köchmenler we chégra bixeterliki mesilisi heqqide bayanat élan qildi.

néhammér yawropa ittipaqi otturigha qoyghan köchmenler belgilimisining tertipsiz köchmenlerge nisbeten ünümsiz ikenlikini ilgiri sürüp, bolupmu wéngriye chégrasida yüz bergen ehwallar sewebidin hazir sherqiy chégrada wezipe ötewatqan eskerler sanini pat yéqinda eslidiki 1000 din 1400 ge chiqiridighanliqini éytti.

bu jehette yawropa ittipaqidin kéreklik yardemge érishelmigenlikini tekitligen néhammér, dölette künséri éshiwatqan afghanlarni ima qilghan halda, awstriye bilen gérmaniyening «yawropa ittipaqining afghan köchmenler mesilisi» ni hel qilalmaydighanliqini éytti.

dölet mudapie ministiri tannérmu bu yil 200 adem etkeschisining wéngriye chégrasida qolgha élinghanliqini, shunga wéngriye chégrasi qatarliq slowakiye we slowéniye chégrasidiki eskerler sanini 2000 gha yetküzüshi mumkinlikini bildürdi.