shinxua agéntliqi xitaydiki chong kelkün apitide aran 58 kishining ölgenlikini bildürdi

xitayning xinen ölkisige qarashliq chingju shehiride qattiq yamghur keltürüp chiqarghan kelkün apitide qaza qilghanlar sanining 58 ke yetkenliki bildürülmekte.

1679774
shinxua agéntliqi xitaydiki chong kelkün apitide aran 58 kishining ölgenlikini bildürdi

türkiye awazi radiyosi xewiri: shinxua agéntliqining xewirige asaslanghanda, ölke miqyasida 9 milyondin artuq kishi qattiq yamghurning éghir tesirige uchrighan. texminen 1 milyon kishi bixeter jaylargha yötkilishke mejbur bolghan.

apette 3800 din artuq öy yéqilip chüshken  bolup, hayatidin ayrilghanlar sanining 58 ge yetkenliki ilgiri sürülmekte.

shinxua agéntliqining bildürishiche, kelkün peyda qilghan oreklerni jiddi qutquzush etretliri we eskerler qum xaltisi bilen toldurmaqta we kelkünning tesirige uchrighan rayonlargha yémeklik yardimi dawamlashmaqta iken.

xinen ölkiside 17-iyuldin buyan qerellik halda yaghqan qattiq yamghur 20-iyulda chong kelkün apitini keltürüp chiqarghan idi.

jingju shehiride pütün métro torini su bésip ketken bolup, nurghun yoluchilar métroda qapsilip qalghan idi.

apette hayatidin ayrilghanlarning sani eng axirqi qétim 23-iyulda 56 dep élan qilinghan idi.



مۇناسىۋەتلىك خەۋەرلەر