wénézuéla amérika herbiy ayropilanining hawa tewelikige qanunsiz kirgenlikini ilgiri sürdi

wénézuéla dölet mudapie ministirliqi hawa boshluqining amérikagha tewe ikenliki ilgiri sürülgen «C-17» tipliq herbiy tiransport ayropilanining dexli qilishigha uchrighanliqini uqturdi.

1679464
wénézuéla amérika herbiy ayropilanining hawa tewelikige qanunsiz kirgenlikini ilgiri sürdi

türkiye awazi radiyosi xewiri: wénézuéla mudapie ministirliqi amérika herbiy ayropilanining qanungha xilap mezkur qilmishidin kéyin bayanat élan qilip, 7- ayning 22- küni shu yer waqti saet 20 din 47 minut ötkende amérika hawa armiyesige tewe ikenliki ilgiri sürülüwatqan «C-17» tipliq éghir tiptiki herbiy tiransport ayropilanining wénézuéla hawa tewelikige xilapliq qilghanliqini eyiblep: «zuliya ishtatining sérra dé péréjaning gherbiy rayoni hawa tewelide texminen 14 déngiz mili (26 kilométir ) kenglikte yol aldi» dégenlerni qeyt qildi.

wénézuélaning igilik hoquqi we zémin pütünlükige qarshi sadir qilinghan düshmenlerche tajawuzchiliq heriketlirining nezerdin saqit qilinmighanliqi bayan qilinghan bayanatta, pirézidént nikolas maduroning: «her qandaq tajawuzchiliq herikitige qarita hoshyar turup, küchlük jawab qayturunglar» dep buyruq chüshürgenliki eslitip ötüldi.



مۇناسىۋەتلىك خەۋەرلەر