baydin: afghanistangha yardem bérishni dawamlashturimiz
amérika pirézidénti jo baydin, washingtonning afghanistanni insanperwerlik yardimi qatarliqlarni öz ichige alghan her qaysi jehetlerdin qollashni dawamlashturidighanliqini bayan qildi.
türkiye awazi radiyosi xewiri: tünügün aqsaray bayanat élan qilip, afghanistan pirézidénti eshref gheni bilen pirézidént baydinning téléfonlashqanliqini, téléfon söhbitide pirézidént baydinning döliti esker chékindürüshni musapisini tamamlash aldida turuwatqan afghanistan weziyitige alaqidar eng yéngi özgirishler heqqidiki qarashlirini otturigha qoyghanliqini uqturghanidi .
bayanatta: ikki rehberning «talibanning nöwettiki hujumlirining heriketning toqunushni söhbet arqiliq hel qilishni qollash teshebbusigha biwasite zit» ikenliki toghrisida hempikir ikenliki eskertilgenidi.
buningdin bashqa bayanatta, baydinning afghanistanni insanperwerlik yardimi qatarliqlarni öz ichige alghan her qaysi jehetlerdin dawamliq qollaydighanliqini tekitlep, afghanistan bixeterlik qisimliri fondi üchün dölet mejlisidin 3 milyard 300 milyon dollar telep qilinghanliqini éytqanliqi qeyt qilinghanidi.
