б д т сүрийәниң ғәрбий шималидики вәзийәттин әндишә қиливатқанлиқини билдүрди

түркийә авази радийоси хәвири: муавин баш катип фәрхан һәқ б д т баш иштабида өткүзүлгән күндилик ахбарат елан қилиш йиғинида сөз қилип: «давамлишиватқан тоқунушлар йеқинқи бир нәччә һәптә ичидә айаллар вә балиларни өз ичигә алған нәччә он пуқраниң өлүши вә йарилинишини кәлтүрүп чиқарди» деди.

фәрхан һәқ, б д т ниң райондики зораванлиқ вәқәлириниң күчийип кетишидин чоңқур әндишә қиливатқанлиқини тилға елип, сүрийәдики тоқунушуватқан һәрқайси тәрәпләрни хәлқара инсанпәрвәрлик қануниға асасән, пуқраларға зийан йәткүзүштин сақлинишқа чақирди.

сүрийәдә бәшшар әсәд һакимийити билән иранниң қоллиши астидики террорлуқ гуруппилири пәйшәнбә күни идлибниң җиддийчиликни пәскойға чүшүрүш райони чеграси ичидики иблин базириға һуҗум қилип, бири айал, үч нәпири кичик бала болуп җәмий йәттә пуқраниң җениға замин болған, үч пуқраниң йарилинишини кәлтүрүп чиқарғаниди.

өктичи мәнбәләрму русийә уруш айропиланлириниң идлибниң җәнубидики бара, иһсим вә мирайан йезилириға һавадин һуҗум қилғанлиқини уқтурғаниди.