amérika bilen gérmaniye «shimaliy éqim 2» layiheside pütüshti

türkiye awazi radiyosi xewiri: bu kélishim arqiliq amérika qoshma ishtatliri bilen gérmaniye, rusiyening «shimaliy éqim 2» turuba liniyesini siyasiy qoral süpitide ishlitish teshebbusigha taqabil turushqa ehde qildi.

ikki dölet teripidin élan qilinghan ortaq bayanatta mundaq déyildi: «amérika qoshma ishtatliri bilen gérmaniyening, émbargolar we bashqa wasitisiler arqiliq bésim shekillendürüp, rusiyeni tajawuzchiliq we yaman niyetlik paaliyetliridin jawabkarliqqa tartish iradisi qetiydur.»

rusiye énérgiyeni bir qoral süpitide ishletken, yaki ukrainagha qarita téximu köp paaliyette bolushqa teshebbus  qilghan teqdirde, gérmaniyening dölet sewiyeside heriketke ötidighanliqi qeyt qilinghan bayanatta, rusiyening yawropagha énérgiye éksport qilish iqtidarigha cheklime qoyush üchün émbargolarni yürgüzüshnimu öz ichige alghan yawropa miqyasida küchlük tedbirler arqiliq bésim ishlitilidighanliqi eskertildi.

amérika qoshma ishtatliri bilen gérmaniyening, ukrainaning énérgiye menbelirini serxillashturushi üchün 1 milyard dollarliq  layiheni qollashni ehde qilghanliqi eskertilgen bayanatta,  gérmaniyening deslepte 175 milyon dollar iane qilidighanliqi bildürüldi.

bayanatta tekitlinishiche, omumiy chiqimi 10 milyard yawro etrapida bolushi mölcherliniwatqan «shimaliy éqim 2» layihesi arqiliq her yili 55 milyard kub métir rus tebiiy gazining baltiq déngizi arqiliq gérmaniyege ewetilishi pilanlanmaqta iken.

layihege qarshi chiqiwatqan döletler, «shimaliy éqim 2» layihesining yawropa döletlirini rusiyege téximu köp béqindi qilidighanliqini ilgiri sürmekte iken.