сүрийә өктичилири фирансийәгә наразилиқ билдүрди

түркийә авази радийоси хәвири: сүрийә өктичи вә инқилабчи күчләр мәмликәтлик бирләшмиси, фирансийә пирезиденти емануел макронниң бөлгүнчи террорлуқ тәшкилати п к к ниң сүрийә гумаштиси п й д / й п г контроллуқи астидики аталмиш «сүрийә демократик кеңиши» әзалири билән көрүшүшигә наразилиқ билдүрди.

сүрийә өктичилириниң бирләшмә тәшкилати болған сүрийә өктичи вә инқилабчи күчләр мәмликәтлик бирләшмиси, бөлгүнчи террорлуқ тәшкилати п к к ниң қол астидики аталмиш ​​«сүрийә демократик кеңиши» әзалириниң фирансийәдә пирезидент макрон билән көрүшүшигә наразилиқ билдүрүп йазма байанат елан қилди.

терорлуқ тәшкилати й п г / п й д ниң п к к билән органик мунасивити барлиқи тәкитләнгән байанатта: «фирансийә пирезидентиниң террорчи п й д қораллиқлири һәйити билән көрүшүши кишини ечиндуриду вә әндишигә салиду. п й д билән алақә орнитишниң йолини ечиш, террорлуқ тәшкилати п к к билән биваситә мунасивәт орнитишни елан қилиш һесаблиниду. бу милитаристлар сүрийә хәлқигә қарши мәҗбурий көчүрүш, нопус қурулмисини өзгәртиш вә башқа һәр хил җинайәтләрни садир қилди. өзини сүрийә хәлқигә мәҗбурлап таңған бу милитаристларни етирап қилиш, сүрийәниң земин пүтүнлүки һоқуқиға дәхли қилиш болиду» дегән ибариләргә орун берилди.