firansiyediki  namayishqa 114 ming kishi qatnashti

türkiye awazi radiyosi xewiri: ichki ishlar ministirliqining bayanatida, paytext parizh, lion, marsél, pérpignan, lil we tulus qatarliq nurghun sheherlerde ötküzülgen namayishqa 114 ming kishining qatnashqanliqi bildürüldi.

bayanatta, parizhda 3 ayrim-ayrim  namayishqa jemiy 18 ming namayishchining qatnashqanliqi uqturuldi.

yene bir tereptin, namayishni teshkilligüchiler pütün memliket miqyasida namayishqa qatnashqanlar sanining 150 ming ikenlikini élan qildi.

bixeterlik qisimliri liondiki namayishchilarni yash aqquzush bombisi ishlitip tarqaqlashturdi  we bu jeryanda 9 namayishchini nazaretke aldi.

hökümet bayanatchisi gabriél attal «Le Parisien» gézitige bergen bayanida, namayishqa qatnashquchilarning hökümetning sehiye tedbirlirige tutqan pozitsiyesige naraziliq bildürgenlikini, bezilerning hökümetni hoquqidin qalaymiqan paydilanghan dep eyibligenlikini eskertip, waksinagha qarshi namayishqa qatnashqanlar sanining bolsa, az ssanliq ikenlikini  we ularning tallashlirining waksina emlengenlerge tesir körsitishige yol qoymaydighanliqini uqturdi.

gabriél attal waksina emlengen 37 milyon kishige chaqiriq élan qilip, ikkilengen aile ezalirini we dostlirini qayil qilishta hökümetke yardem bérish kéreklikini bildürdi.

gabriél attal: «éniq aydinglashturushimiz kérekki, emdilikte ya omumiy yüzlük emlinish yaki wirus dolqinigha gherq bolushtin bashqa yol yoq» dédi.