baydin: féysbuktiki waksinigha alaqidar yalghan uchurlar kishilerning ölümini keltürüp chiqarmaqta
amérika pirézidénti jo baydin, ijtimaiy taratqu supisi féysbuktiki kowid – 19 yuqumi we waksina emleshke alaqidar yalghan uchurlarning kishilerning ölümini keltürüp chiqarghanliqini éytti.
türkiye awazi radiyosi xewiri: jo baydin muxbirlargha yuqum musapisi toghrisida bayanat berdi؛ u, féysbuk qatarliq ijtimaiy alaqe supilirining waksina we tarqilishchan zukamgha ait xata uchurlarni tarqitishta rol oynighanliqi heqqidiki qarashlargha jawab bérip: «bizdiki birdinbir yuqumlinish waksina qilinmighanlar ichide, ular kishilerni öltürüwatidu» dédi.
amérika sehiye emeldarliri, amérikadiki kowid – 19 sewebidin ölüp kétish we yuqumlinishtiki köpiyishning peqet waksina emletküzmigenlerge zerbe bériwatqanliqini éytip agahlandurdi.
aqsaray bayanatchisi jén psakimu féysbuk we bashqa supilarning waksina heqqidiki xata uchurlargha qarshi turush kürishige yéterlik küch chiqarmighanliqini éytti.
féysbuk bayanatchisi kéwin makalistér, shirketning pakitlar arqiliq delillenmigen eyibleshler bilen aware bolmaydighanliqini bildürdi.
shirket yene bir bayanatida: «biz 18 milyondin artuq yalghan kowid – 19 uchuri we bu qaidige xilapliq qilghan hésabatlarni öchürduq» dégen ibarilerge orun berdi.
