töt terep wekilliri afghanistan mesilisi toghrisida tashkentte uchrashti
afghanistanda tinchliq musapisini we toqunushlardin kéyinki hel qilish charisini qollash üchün amérika, özbékstan, afghanistan we pakistandin ibaret töt terep formatini qurush qarar qilindi.
türkiye awazi radiyosi xewiri: özbékstan tashqi ishlar ministirliqi tashkentte afghanistan mesilisi toghrisida töt terep uchrishishi ötküzülgenliki toghrisida bayanat élan qildi.
bayanatta, özbékstan tashqi ishlar ministiri abduleziz kamilow, afghanistan tashqi ishlar ministiri muhemmed hanif atmar, pakistan tashqi ishlar ministiri shah mehmut qureyshi we amérikaning afghanistan ishliri alahide wekili zalmay xalilzadning tashkentte özara uchrashqanliqi bildürüldi.
bayanatta, mezkur döletlerning rayonluq munasiwetlerni kücheytishni meqset qilghan yéngi töt terep diplomatik formati qurush mesiliside kélishkenliki qeyt qilindi.
bayanatta, küchlük tesirge ige xelqaraliq soda yollirini téximu tereqqiy qildurush üchün tereplerning sodilirini kéngeytish, yéngi tranzit yollirini shekillendürüsh we soda torlirini kücheytish üchün birlikte tirishchanliq körsitishning meqset qilinghanliqi tekitlendi.
bayanatta yene, tereplerning bu hemkarliqlarning shertlirini birlikte békitish üchün kéyinki aylarda özara uchrishish mesiliside pikir birliki hasil qilinghanliqi bildürüldi.
