roytérsning bir muxbiri öltürüldi
afghanistanning jenubigha jayalshqan qendehar wilayitide engliye roytérs xewer agéntliqi üchün ishleydighan hindistanliq fotograf muxbiri danish siddiqi öltürüldi.
1676518
türkiye awazi radiyosi xewiri: afghanistan erkin axbaratni qollash idarisi roytérs muxbiri danish siddiqining öltürülgenliki toghrisida bayanat élan qildi.
bayanatta, roytérsqa ishleydighan hindistanliq fotograf muxbiri danish siddiqining qendeharning pakistan chégrasidiki spin boldak chégra éghizida yüz bergen toqunushlarni resimge tartish üchün neq meydangha barghanliqi we chégragha yéqin bir jayda öltürülgenliki qeyt qilindi.
bayanatta, fotograf muxbiri danish siddiqining kimler teripidin hujumgha uchrighanliqining tekshürülüwatqanliqi eskertildi.
14-iyul (2021) pakistan chégrasidiki spin boldak chégra éghizini qolgha kirgüzgen taliban qoralliqliri bilen xewpsizlik tarmaqliri otturisida toqunushlar dawamlashmaqta.
