yawropa ittipaqigha eza döletlerning tashqi ishlar ministirliri yighini biryussélda bashlandi
yawropa ittipaqi döletlirining tashqi ishlar ministirliri afghanistan, liwan, ottura sherq we mozambik qatarliq dölet we rayonlarning weziyiti toghrisida sözlishish meqsitide bélgiyening paytexti biryussélda bir yerge jem boldi.
türkiye awazi radiyosi xewiri: yawropa ittipaqi tashqi munasiwet kéngishining biryussélda chaqirilghan yighinining resmiy küntertipi yéngi reqemlik téxnikining jughrapiyelik siyasiti, mushu yilning axirida ramkisining otturigha qoyulushi kütülüwatqan yawropa ittipaqining «istratégiyelik kompas» namliq höjjiti, éfiyopiye mesilisi qatarliq témilarni öz ichige alidu.
yighinda, mozambikning «ensarussunne» namliq teshkilatqa qarshi küresh qilishigha hemdem bolush üchün, yawropa maarip komitéti yollash toghrisida yawropa kéngishining qarar chiqirishi texmin qilinmaqta.
yighinda yene, liwandiki siyasiy we iqtisadiy kirizis, jenubiy kawkaz rayoni, afghanistan qatarliq dölet we rayonlarning weziyitimu muzakire qilinidu.
shimaliy atlantik ehdi teshkilati – natoning chékinish qararidin kéyinki eng yéngi weziyet muzakire qilinidighan yighinning söhbet témiliri ichide kabul ayrodurumining paalliqini saqlap qélishning muhimliqining tekitlinishi kütülmekte.
awstriye, litwaniye we ruminiye diplomatiye ministirlirining giruziye, ezerbeyjan we erméniyediki ziyaritining netijisi heqqide yighin ishtirakchilirigha doklat sunulidu.
igilinishiche, yawropa ittipaqigha eza döletlerning tashqi ishlar ministirliri yighinigha israiliye tashqi ishlar ministiri lapidmu qatnishidiken.
مۇناسىۋەتلىك خەۋەرلەر
pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.