iraq bixeterlik küchliri namayishchilargha oq chiqardi
iraq bixeterlik qisimlirining döletning jenubigha jaylashqan wasit wilayitidiki tok üzülüp weqesige naraziliq bildürgen namayishchilarni tarqaqlashturush herikiti jeryanida töt adem yarilandi.
türkiye awazi radiyosi xewiri: wasit wilayitidiki uzun dawamlashqan tok toxtap kétish weqesige naraziliq bildürgen yüzlerche kishi «eleziziyye» éléktir idarisining aldigha toplinip namayish ötküzdi؛ iraq bixeterlik qisimliri qoralsiz namayishchilargha oq chiqardi.
neq meydandiki ehwallarni körgüchilerning bildürüshiche, weqede üchining yarilinish ehwali éghir bolup jemiy töt namayishchi yarilanghan, yarilanghanlar doxturxanida balnistqa élinghan.
iraq éléktr ministiri majid mehdi hantush aldinqi charshenbe künidiki tok üzülüp qélish weqesidin kéyin yüz bergen namayishlardin kéyin wezipisidin istépa bergenidi.
hawa témpératurisi texminen 50 gradusqa yetken iraqta, ahale qattiq issiq we adetke aylanghan tok toxtap kétish peyda qilghan qiyinchiliqlargha taqabil turushqa tirishmaqta.
