руһани байдинни йадро келишимини иҗра қилишқа чақирди

түркийә авази радийоси хәвири: иран пирезиденти һәсән руһани пайтәхт теһранда чақирилған ички кабинет йиғинидин кейин йадро келишими вә американиң бу һәқтики позитсийәси тоғрисида тохталди.

руһани америка пирезиденти җо байдинни йадро келишимини дәрһал иҗра қилишқа чақирип: «байдин йадро келишимини иҗра қилиш җәһәттә қилчилик бушаңлиқ қилса, өз хәлқиниң ташлиған беләтлиригә хийанәт қилған болиду. чүнки, улар мушуниңға тайинип беләт ташлиди, уму ембарголарни бикар қилиш һәмдә садир қилинған хаталиқларни түзитиш үчүн кәлди. арқидин йадро келишимини қобул қилидиғанлиқини қайта – қайта тәкитлиди вә униңға қайтип келидиғанлиқини ейтти» деди.

у, йадро келишиминиң әслигә кәлтүрүлүши үчүн һәм америка һәм иран тәрәпниң тегишлик қәдәмләрни вақитни зайә қилмастин ташлиши керәкликини оттуриға қойди.

иранниң йадро қорали йаки аммиви қирғинчилиқ қораллириға игә болушниң койида әмәсликини билдүргән руһани, башқа дөләтләрниң буниңға алақидар қарашлириниң асассиз икәнликини сөзлиригә илавә қилди.