kolumbiyede minglighan kishi hökümetke qarshi namayish ötküzdi

kolumbiyede memliketlik ish tashlash komitéti 16-iyunda bayanat élan qilip, melum mezgilgiche namayishni toxtatqanliqini jakarlighanliqigha qarimay, minglighan kishi hökümetke qarshi namayish ötküzdi.

1667272
kolumbiyede minglighan kishi hökümetke qarshi namayish ötküzdi

türkiye awazi radiyosi xewiri: paytext bogota, médéllin, pasto, péréyra, barrankwilla we santandér dé kuylichaw sheherliride kochilargha chiqqan namayishchilar hökümetning siyasetlirige naraziliq bildürdi.

bogotada, paaliyetchiler sheherning eng awat kochisida tinch yürüsh élip bardi. bir qisim guruppilar sheherlik hökümetke tewe 12 ammiwi qatnash aptomobilini igiliwalghandin kéyin, saqchilar bilen namayishchilar otturisida jiddiychilik yüz berdi.

kolumbiyening  ikkinchi chong shehiri médéllinde namayishchilar dölet binalirigha we shexsiy mülüklerge buzghunchiliq qilghandin kéyin, kolumbiyening topilangni kontrol qilish orgini «ESMAD» yash aqquzush bombisi étip mudaxile qildi.

barrankwilla we santandér dé kuylichaw sheherliride ötküzülgen namayishta, kolumbiyege isim qoyghan yawropaliq sayahetchi kristofir kolumbusning heykili namayishchilar teripidin örülüp tashlandi.

aqshamgha yéqin namayish keltürüp chiqarghan weqelerde 13 aptobus, qatnash chiraghliri we bir qisim ammiwi binalar ziyangha uchridi. saqchilar bezi namayishchilarni nazaretke aldi.


خەتكۈچ: #namayish , #kolumbiye

مۇناسىۋەتلىك خەۋەرلەر