gérmaniyening afghanistandiki eng axirqi eskerliri afghanistandin ayrildi
gérmaniye dölet mudapie ministiri annéghét kamp kaghénbawa (Annegret Kramp-Karrenbauer) afghanistanda wezipe ötewatqan gérmaniye eskerlirining afghanistandin chékingenlikini élan qildi.
türkiye awazi radiyosi xewiri: gérmaniye dölet mudapie ministiri annéghét kamp kaghénbawa twittérda bayanat élan qilip, afghanistanda wezipe ötewatqan eng axirqi gérmaniye eskerlirining afghanistandin bixeter halda ayrilghanliqini bildürüp: «aridin 20 yil ötkende chet eldiki eng muhim wezipimiz axirlashti» dédi.
gérmaniye armiyesining bu heqtiki bayanatida, gérmaniye eskerlirining afghanistandiki nato qisimlirida wezipe ötishining axirlashqanliqi qeyt qilindi.
gérmaniye eskerliri 2001-yildin tartip afghanistanda wezipe ötimekte idi. afghanistanda yéqinqi waqitlarghiche 1100 esker wezipe ötewatqan bolup, jemiy 59 esker jénidin ayrildi.
amérika hökümiti 20 yil turghan afghanistandin 2021-yili 1-maydin bashlap chékinishni bashlaydighanliqini, chékinishning 2001-yili 11-séntebir yüz bergen hujumning 20 yilliqighiche axirlishidighanliqini jakarlighan idi.