afghanistanda 3 nahiye talibanning kontrolluqigha ötti

türkiye awazi radiyosi xewiri: ghezne parlamént ezasi xudad irfani, axbarat élan qilish yighinida bergen bayanatida, taliban ezalirining, ghezne wilayitining xoja ömeri, waiz we muqur nahiyelirige birla waqitta hujum qilghanliqini, hujumlar netijiside bu 3 nahiyening talibanning kontrolluqigha ötüp ketkenlikini, dölet xewpsizlik küchlirining bu nahiyelerdin chékinip chiqip ketkenlikini eskertish bilen bir waqitta, bundaq kétiwerse, talibanning pütkül ghezne wilayitini qolgha kirgüzüsh éhtimalliqining barliqi toghruluq agahlandurushta boldi.

yene bir tereptin, afghanistan dölet mudapie ministirliqi, döletning shimalidiki feryab wilayitining péshtun kot we pérwan wilayitining shinwari nahiyelirining talibandin qayuturuwélinghanliqini jakarlidi.

yéqinqi 24 saet ichide 14 wilayette talibangha qarshi herbiy heriket élip bérilghanliqi bildürülgen bayanatta, herbiy heriket netijiside 235 taliban mensubining öltürülgenliki, 161 ining yarilanghanliqi qeyt qilindi.

taliban, 20 – iyun küni shimaldiki bélx we samangan wilayetliride 2 nahiyening, 21 – iyun küni bélx wilayitining dewlet abad, sholgéré we kishidéh nahiyelirining kontrolluqini qolgha kirgüzgenidi.

yéqinqi 2 ay ichide talibanning kontrolluqigha ötüp ketken nahiyelerning sani 45 ke yetti.

birleshken döletler teshkilatining melumatlirigha qarighanda, taliban, sheher merkezlirining sirtidiki döletning térrotériyesining % 50 – 70 tini kontrol qilmaqta iken.