éfiyopiye isyanchiliri hökümet küchlirini yenggenlikini ilgiri sürdi

türkiye awazi radiyosi xewiri: tigray xelq azadliq fironti qozghilangchiliri bayanatchisi gétachéw réda qatarning «eljezire» qaniligha bayanat bérip, tigray xelq azadliq fironti qozghilangchilirining tigray ölkisining paytexti mékéléni qolgha kirgüzüsh üchün éfiyopiye bash ministiri abi ehmedning dölet mudapie qisimlirini pütünley meghlup qilghanliqini ilgiri sürdi.

réda, éfiyopiye armiyesining hökümet terep bir tereplime urush toxtitishni jakarlighandin kéyin sheherdin chékinip chiqqanliqini qeyt qildi.

éfiyopiye hökümitining bayanatida bolsa, tigray xelq azadliq fironti qozghilangchiliri qolgha kirgüzgenlikini ilgiri sürgen tégray rayonida bir tereplime urush toxtitish élan qilinghanliqi bildürülgenidi.

bayanatta, bu qararning tigraydiki déhqanlarning hosul pesli (6-ay , 7-ay , 8-ay) din paydilinishini kapaletke ige qilish üchün chiqirilghanliqigha isharet qilinip, buningdin kéyin rayonda yardem bérish qisimlirining qoralsiz xizmet qilidighanliqi tekitlengenidi.

 bir mezgil tigray ölkisige hökümranliq qilghan xelq azadliq fironti qozghilangchilirining 2020-yili 11-ayning 3-küni éfiyopiyening shimaliy qomandanliq qisimlirigha hujum qilishidin kéyin, bash ministir abi ehmed tigray xelq azadliq fironti qozghilangchilirigha qarshi herbiy heriket qollinishni qarar qilghan, bu qedemdin kéyin mezkur rayondiki bir milyondin artuq adem yurt – makanidin ayrilip qalghanidi.