baydin: israiliye bolmighan bolsa, biz yéngidin bir israiliye keship qilghan bolattuq
amérika pirézidénti jo baydin aqsarayda 9- iyulda wezipe ötesh mudditi axirlishidighan israiliye pirézidénti réuwén riwlin bilen körüshti.
türkiye awazi radiyosi xewiri: baydin bilen riwlin aqsaraydiki yépiq uchrishishidin ilgiri owal ofista muxbirlargha bayanat berdi.
7 - ayning 9 - küni wezipe ötesh mudditi axirlishidighan riwlinni aqsarayda kütüwalghanliqidin xushal bolghanliqini bildürgen baydin, yéqin kelgüside israiliyening yéngi bash ministiri naftali bénnétni kütüwélishni xalaydighanliqini éytti.
baydin israiliyeni qollaydighanliqini qayta - qayta tekitlep: «amérika pirézidénti bolush süpitim bilen (éytimenki), bizning israiliyege bergen wedimiz mustehkem we heqiqiydur. méning daim éytqinimdek, eger israiliye bolmighan bolsa, biz uningdin birni keship qilghan bolattuq» dédi.
amérikaning, israiliyening ottura sherq döletliri bilen munasiwitini normallashturush musapisini toluq qollaydighanliqini bildürgen baydin, rayonda téximu chong tinchliq we muqimliq ittipaqi qurushni xalaydighanliqlirini sözlirige ilawe qildi.