afriqada 1.2 milyard kishi xeter astida yashimaqta
afriqada 1.2 milyard kishining saqliq ishlirining nachar bolushi sewebidin xeter astida yashawatqanliqi bildürüldi.
türkiye awazi radiyosi xewiri: afriqa tereqqiyat bankasining bashliqi akinwumi adésina bayanat élan qilip, 1.2 milyard afriqaliqning hayatining wuxen wirusi (Kovid-19) yuqumining otturisida, saqliq xizmetlirige yéterlik érishelmeslik xetiri astida ikenlikini éytti.
u afriqa teriqqiyat bankasining wabaning iqtisad we sehiyege körsitiwatqan tesirlirige qarshi küresh qiliwatqanliqini eskertip, afriqa döletlirige bolghan qollishini téximu kücheytidighanliqini qeyt qildi.
u afriqa tereqqiyat bankasining yerlik waksina tetqiqatigha we afriqaning sehiye sistémisigha zor meblegh ajritidighanliqini bildürüp, dölet sehiye orunlirining %51 de pakize su we %31 de éléktir barliqini qeyt qildi.
u yene, afriqada dorilarning %70-60 ning import qilinidighanliqini eskertti.
u afriqada 1.2 milyard kishining hayatining xeter astida ikenlikini tekitlep: «biz kirimi qandaq bolushidin qetiynezer, her bir afriqaliqni süpetlik saqliq xizmetliri, saghlamliq sughurtisi we ijtimaiy kapalettin behriman bolushigha kapaletlik qilish arqiliq namrat we ajiz kishilerge ümid bérishimiz kérek» dédi.
