husiylarning ikki dane uchquchisiz hawa apparati pachaqlap tashlandi

yemende hökümetni qollaydighan seudi erebistan bashchiliqidiki birleshme qisim, husiy qoralliq küchlirining bomba qachilanghan ikki dane uchquchisiz hawa apparatining pachaqlap tashlanghanliqini élan qildi.

1665922
husiylarning ikki dane uchquchisiz hawa apparati pachaqlap tashlandi

türkiye awazi radiyosi xewiri: birleshme qisimning seudi erebistan s p a (SPA ) resmiy agéntliqida élan qilinghan bayanatida, iranning qollishi astidiki husiylarning seudi erebistanning hamis mushayt rayonigha ikki dane uchquchisiz hawa apparati ewetkenliki qeyt qilindi.

bayanatta, seudi erebistan hawa armiyesining uchquchisiz hawa apparatlirini pachaqlap tashlighanliqi qeyt qilindi.

birleshme qisimning 27-iyundiki bayanatidimu, husiylarning ikki dane balistik bashqurulidighan bombisi bilen bomba qachilanghan uchquchisiz hawa apparatining pachaqlap tashlanghanliqi bildürülgen idi.

husiylarning herbiy bayanatchisi yehya seri twittérda bayanat élan qilip, seudi erebistanning nejran, abxa we hamis mushayt rayonliridiki herbiy nuqtilirigha, besh balistik bashqurulidighan bomba we besh uchquchisiz hawa apparati bilen hujum qilghanliqlirini bildürdi.

yemende uzun waqittin buyan siyasiy muqimsizliq dawamlishiwatqan bolup, iranning qollishi astidiki husiylar bilen hökümetke qarashliq küchler arisida toqunushlar dawamlashmaqta.

husiylar 2014-yili séntebirdin buyan paytext sana we bezi rayonlarning kontrolluqini qolida tutup turuwatqan bolsa, seudi erebistan bashchiliqidiki birleshme qisim 2015-yili marttin tartip husiylargha qarshi yemen hökümitini qollap keldi.

iranning qollishi astidiki husiylar pat-pat seudi erebistanning jenubiy rayonlirigha, balistik bashqurulidighan bomba we uchquchisiz hawa apparatliri bilen hujum qilip kelmekte.



مۇناسىۋەتلىك خەۋەرلەر