pakistanliq sajid jawid engiliyede sehiye ministirliqigha teyinlendi
sabiq ichki ishlar we maliye ministiri sajid jawid engiliyede istipa bergen sehiye ministiri mat xenkokning ornigha teyinlendi.
türkiye awazi radiyosi xewiri: esli pakistanliq,51 yashliq sajid jawid ilgiri 2018-yildin 2019-yilghiche ichki ishlar ministiri, andin 2020-yili 2-ayghiche maliye ministiri bolghan idi.
«quyash géziti» 25 – iyunda sehiye ministiri mat xenkokning toy qilghan tughluq ministirliq binasi ichide yéngi toy qilghan sabiq lobichi gina koladanggéloni söyüwatqan bixeterlik kamérasi körünüshlrini élan qilghan idi.
xewerlerde, xenkokning uniwérsitét dosti koladanggéloni ötken yili martta 6 ayliq toxtam bilen maashsiz meslihetchi qilip teyinligenliki, andin uninggha sehiye ministirliqining bashqurush komitéti ichide wezipe bergenliki, emma buni munasiwetlik orunlargha bildürmigenliki ashkarilanghan idi.
xewerdin kéyin xenkok yazma bayanat élan qilip, özining ijtimaiy ariliq saqlash qaidisige xilapliq qilghanliqini étirap qilghan bolsimu, döletni yuqumdin qutuldurush üchün dawamliq tirishidighanliqini bildürgen idi.
lékin xenkok bésimgha berdashliq bérelmey, 26- iyulda özining ijtimaiy ariliq saqlash qaidisige xilapliq qilghanliqini seweb körsitip wezipisidin istipa bergen idi.
xewerge téma bolghan süretler tartilghan 5 iyunda, hökümet puqralardin aile sirtidiki kishilerni quchaqlimasliqni telep qilghan idi.
