доналд трамп җо байдинни «хитайға баш әгди» дәп әйиблиди
американиң сабиқ пирезиденти доналд трамп ақсарайдин айрилғандин кейинки тунҗи йиғилишида, алдинқи қетимлиқ сайламда беләт санашқа алақидар вәқәләр үстидә тохталди вә җо байдин билән партийәсиниң сийаситини тәнқид қилди.
түркийә авази радийоси хәвири: охео иштатиниң веллингтон шәһиридә миңлиған кишигә хитаб қилған доналда трамп, 2020-йили нойабирда өткүзүлгән сайламдики мәғлубийитигә беләт санаштики һийлә – микирләрниң сәвәб болғанлиқини қайта тәкитләп: «биз икки қетим сайламда ғәлибә қилдуқ, үчинчи қетим ғәлибә қилишимиз керәкликтәк қилиду. бу мумкин» деди.
сабиқ пирезидент сөзидә, дөләтниң җәнубий чеграсидин өтүп америкаға кәлгән көчмәнләр саниниң ешишиға һәмминиң диққитини тартти.
трамп: «дөлитимизгә кәлгән милйонлиған инсан бар. биз уларниң ким икәнликиниму билмәймиз, җо байдин бизниң қилғанлиримизниң дәл әксини қиливатиду» деди.
трамп америка пирезиденти җо байдинни хитайға баш игиш билән әйибләп, намайан қилған иқтидариниң дунйа сәһнисидә номуслуқ һалда икәнликини ейтти.
доналд трамп йиғилишта қайта сайлинидиған йаки сайланмайдиғанлиқи тоғрисида ениқ ипадә билдүрмиди. җумһурийәтчиләр партийәсиниң америка кеңәш палатаси вә авам палатасида көп санлиқни қайта әслигә кәлтүрәләйдиғанлиқи тоғрисида сайлиғучиларға риғбәт беридиған сөзләрни қилди.
доналд трамп: «биз авам палатаси, кеңәш палатаси вә американи қайтурувалимиз. буни пат йеқинда қилимиз» деди.
