فلويىدنى ئۆلتۈرگەن ساقچى قاماق جازاسىغا ھۆكۈم قىلىندى

تۈركىيە ئاۋازى رادىيوسى خەۋىرى: مىننېسوتا ئىشتاتى خېننېپىن رايونلۇق سوت مەھكىمىسى،  2020 -يىلى مايدا جورج فلويدنى قولغا ئېلىش ئەسناسىدا ھوقۇقىدىن قالايمىقان پايدىلانغان سابىق ساقچى شاۋۋىننى 2-ۋە 3-دەرىجىلىك قەستلەپ ئۆلتۈرۈش ۋە 2- دەرىجىلىك ئادەم ئۆلتۈرۈش جىنايىتى بىلەن ئەيىبلەپ، 22.5 يىللىق قاماق جازاسىغا ھۆكۈم قىلدى.

ساقچى شاۋىن، 2020-يىلى 5-ئاينىڭ 25-كۈنى مىننېسوتا ئىشتاتىنىڭ مىننېپولىس شەھىرىدە تېگى ئافرىقالىق ئامېرىكا پۇقراسى فلويىدنى ئالدامچىلىق جىنايىتى سادىر قىلىش شۇبھىسى بىلەن قولغا ئېلىش جەريانىدا، ئۇنىڭ «تىنالمايۋاتىمەن» دەپ يالۋۇرۇشلىرىغا قارىماي، 9 مىنۇت 29 سىكۇنت بويىچە تىزى بىلەن بوينىغا بېسىپ ئۆلۈپ كېتىشىگە سەۋەب بولغان، بۇ ۋەقە ئامېرىكا ۋە دۇنيانىڭ ھەر قايسى جايلىرىدا كەڭ كۆلەملىك نارازىلىق نامايىشلىرىنى كەلتۈرۈپ چىقارغانىدى.