firansiye géziti türk qoralliq uchquchisiz hawa apparatlirigha yuqiri baha berdi

firansiye «Le Monde» géziti, türkiye ishlepchiqarghan qoralliq uchquchisiz hawa apparatlirigha bolghan telepning intayin yuqiri ikenlikini yazdi.

1665031
firansiye géziti türk qoralliq uchquchisiz hawa apparatlirigha yuqiri baha berdi

türkiye awazi radiyosi xewiri: gézitning xewiride, türkiyening yéqinqi yillarda herbiy sanaitini uchquchisiz hawa apparati ishlepchiqirishqa qaritip, éksportini kündin künge ashurghanliqi otturigha qoyuldi.

xewerde, bayqar shirkiti teripidin ishlepchiqirilghan bahasi muwapiq, ünümi yuqiri qoralliq uchquchisiz hawa apparatlirining 2020 – yili ishlitilgen üch toqunush rayonida tanka, bironéwik, oq – dora iskiatliri we hawa mudapie sistémilirini weyran qilip, urushning yönilishini özgertiwetkenliki bildürüldi.

türkiyening 10 yilgha yetmigen waqit ichide amérika, israiliye we xitay qatarliq aldinqi qatarda turidighan qoralliq uchquchisiz hawa apparati ishlepchiqarghuchiliri qataridin orun alghanliqigha isharet qilinghan xewerde, eng küchlük telepke érishken bayraqtar-  TB2 ning düshmen küchlirining orni heqqide uchur topliyalaydighanliqi, urush ayropilanlirini nishangha yétekliyeleydighanliqi we élip yüreleydighan 4  dane lazér nurluq bashqurulidighan bombisi sayisida öziningmu hujum qilish iqtidarigha ige ikenliki qeyt  qilindi.

gézitning xewiride yene, türk qoralliq uchquchisiz hawa apparatlirining hujumlirining süriye we liwiyede qimmet bahaliq rus pantsir ayropilangha qarshi turush sistémisi bilen erméniyediki rus iskender bashqurulidighan bombilirini palech haletke keltürüp, «heyran qalarliq netijiler»ni qolgha keltürgenliki alahide tekitlendi.



مۇناسىۋەتلىك خەۋەرلەر