yawropa ittipaqi – türkiye otturisida yuqiri qatlamliq diyalog ötküzüsh qararlashturuldi

yawropa ittipaqi türkiye bilen yuqiri qatlamliq diyalog ötküzüshke teyyarliq xizmiti ishleshni qararlashturdi.

1664386
yawropa ittipaqi – türkiye otturisida yuqiri qatlamliq diyalog ötküzüsh qararlashturuldi

türkiye awazi radiyosi xewiri: yawropa ittipaqi bashliqlar yighini dawamlishiwatqan bir peytte, türkiye bilen muzakirilerning tamamlinishidin kéyin, yighin bayannamesining munasiwetlik qismi jamaetchilikke ashkarilandi.

bayannamede, yawropa ittipaqi rehberlirining köchmenlik, saghlamliq, kilimat özgirishi, térrorizmgha qarshi küresh we rayonluq mesililer qatarliq özara menpeet yetküzüshke alaqidar témilarda türkiye bilen yuqiri qatlamliq diyalog ötküzüshke teyyarliq xizmiti ishleshning muhimliqini qararlashturghanliqi tekitlendi.

yawropa ittipaqi rehberlirining, türkiye bilen tamozhna birliki belgilimilirini yéngilashqa hoquq bérish üchün téxnikiliq paaliyetlerning bashlinishinimu qararlashturghanliqi eskertilgen bayannamede, mundaq déyildi: «yawropa ittipaqi kéngishi yawropa ittipaqi komitétini, türkiye, iyordaniye, liwan we rayonning bashqa qisimliridiki süriyelik musapirlar we musapirlargha sahibxanliq qiliwatqan ellerge bérilidighan iqtisadiy yardemlerning dawamlashturulushi üchün resmiy teklipni kéchikmestin sunushqa chaqirmaqta. yawropa ittipaqi kéngishi, rayonluq tinchliq we muqimliq ornitish yolida, türkiye we yawropa ittipaqining ortaq menpeetliri nuqtisida, türkiye we barliq aktiyorlarning rayonluq kirizislerning hel qilinishigha ijabiy töhpe qoshushini kütmekte.»



مۇناسىۋەتلىك خەۋەرلەر