shimaliy koréye amérika bilen söhbet ötküzmeydighanliqini jakarlidi
shimaliy koréye amérika qoshma ishtatliri bilen yadro qoralsizlinish söhbetlirini dawamlashturush istikining yoqluqini jakarlidi.
türkiye awazi radiyosi xewiri: shimaliy koréye tashqi ishlar ministiri ri son gwon resmiy xewer agéntliqi — KCNA gha bayanat bérip: «söhbetler bir terepte turup tursun, amérika qoshma ishtatliri bilen her qandaq shekilde resmiy alaqe ornitish niyitimiz yoq. bundaq qilishning bizge paydisi yoq, peqet qimmetlik waqtimizni zaye qilishqila erziydu» dédi.
shimaliy koréye rehbiri kim jongunning singlisi kim yojongmu tünügün bayanat bérip, söhbet ümidining amérikani ümidsizlikke duchar qilidighanliqini, koréyede «chüshni körüsh emes, tebir bérish muhim» deydighan bir maqalning barliqini éytqanidi.
ri son gwon kim yojongning bayanati arqiliq «amérika qoshma ishtatlirining aldirap yekün chiqirish, texmin we mölcherlirini sugha chilashturghanliqi»ni éytti.
shimaliy koréye rehbiri kim jongun ötken hepte hakimiyet béshidiki koréye emgekchiler partiyesi qurultiyida alaqidar emeldarlargha xitab qilip, amérika terep bilen «hem söhbet ötküzüsh hemde élishish»qa teyyar turush toghrisida yolyoruq chüshürgenidi.
amérika dölet xewpsizlik ishliri meslihetchisi jéyk sulliwan bolsa, kim jongunning sözlirige amérika bilen söhbet ötküzüsh nuqtisidin bérilgen «ghelite signal» dep baha bergenidi.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.