mérkél: türkiye bilen söhbet ötküzüshni derhal bashlishimiz kérek

türkiye awazi radiyosi xewiri: gérmaniye bash ministiri angéla mérkél yawropa ittipaqining ortaq menpeetlirini chöridigen halda hemkarliqni ilgiri sürüsh üchün, türkiye bilen söhbet ötküzüsh küntertipini tézdin ijra qilishqa bashlash kéreklikini otturigha qoydi.

mérkél yawropa ittipaqi bashliqlar yighinidin ilgiri fédératsiye mejliside söz qilip, yawropa kéngishi we komitétining köchmenler mesilisidiki muhim döletler bilen hemkarliq ornitish qedemliri heqqide teklip sunushini telep qildi.

u yene bashliqlar yighinida, yawropa ittipaqi komitétining türkiye bilen  ornatqan köchmenler hemkarliqini meblegh bilen teminleshni dawamlashturush toghrisida konkrét teklip sunushini ümid qilidighanliqini bayan qilip, türkiyede 3 milyon 700 ming tizimgha élinghan süriyelikning barliqini eskertti.

mérkél sözini dawamlashturup: «éniqki, biz nöwettiki we kelgüsidiki köchmenler mesilisini peqet türkiye bilen söhbetlishish arqiliqla hel qilalaymiz. martta pütüshkinimizdek, biz yawropa ittipaqi bolush süpitimiz bilen, ortaq menpeetlerni asas qilghan hemkarliqimizni ilgiri sürüsh üchün türkiye bilen söhbet küntertipini tézdin ijra qilishimiz kérek» dégenlerni qeyt qildi.