firat qalqini rayonida süriye milliy armiyesining töt eskiri jénidin ayrildi

türkiye awazi radiyosi xewiri: süriyening munbich nahiyesidin firat qalqini herbiy herikiti rayonigha soqunup kirishke urunghan bölgünchi térrorluq teshkilati p k k / y p g ezasi térrorchilar bilen süriye milliy armiyesi otturisida yüz bergen toqunushta, süriye milliy armiyesining  töt eskiri jénidin ayrildi.

bölgünchi térrorluq teshkilati p k k / y p g ezasi térrorchilar bügün seherde nahiyening shimaligha jaylashqan firat qalqini herbiy herikiti rayonining aldinqi sépi hésablinidighan sajur deryasi boyidiki süriye milliy armiyesi tewelikige soqunup kirishke urundi.

herbiy öktichi menbelerdin igilinishiche, térrorchilar bilen eskerler otturisida yüz bergen toqunushta, süriye milliy armiyesining töt eskiri jénidin ayrilghan.

térrorchilarning soqunup kirish urunushi meghlubiyet bilen axirlashqan, türkiye armiyesimu munbichtiki teshkilatqa tewe oronlarni zembireklerni ishlitip topqa tutqan.