b d t amérikani kuba émbargosini bikar qilishqa chaqirdi

birleshken döletler teshkilati omumiy kéngishida amérika qoshma ishtatlirining kubagha yürgüzüwatqan 61 yilliq émbargosigha xatime bérishke chaqiriq qilinghan tewsiye qarari köp sanliq eza döletlerning qollap awaz bérishi netijiside qobul qilindi.

1664004
b d t amérikani kuba émbargosini bikar qilishqa chaqirdi

türkiye awazi radiyosi xewiri: birleshken döletler teshkilati omumiy kéngishi yighin zalida bu yil 29 – qétimliqi ishqa ashurulghan awazgha qoyushta, birleshken döletler teshkilatigha eza 193 dölettin 184 i, amérika qoshma ishtatlirining kubagha yürgüzüwatqan émbargosigha xatime bérishi mezmun qilinghan tewsiye qararini qollap awaz berdi.

amérika qoshma ishtatliri bilen israiliye tewsiye qararini ret qilip awaz berdi, ereb birleshme xelipiliki, kolombiye we ukraina awaz bérishke qatnashmidi.

birleshken döletler teshkilati omumiy kéngishining qararliri, xelqara jemiyetning iradisini eks ettüridighan bir wasite dep qarilish bilen birlikte, héchqandaq jaza yürgüzüsh, yaki ijra qildurush küchige ige emestur.

amérika qoshma ishtatliri hakimiyiti, 1960 – yili, 19 – öktebirdin buyan kubagha iqtisadiy, soda we pul muamile jehettin émbargo yürgüzüp kéliwatqan bolup, bu émbargo, «zamaniwi tarixning eng uzun mezgillik émbargosi» dep atalmaqta.


خەتكۈچ: #émbargo , #kuba , #amérika , #b d t

مۇناسىۋەتلىك خەۋەرلەر