amérika afghanistandin chékinish xizmitining yérimini tamamlidi
amérika qoshma ishtatliri merkiziy armiye qomandanliq ishtabi afghanistandin chékinish xizmitining yérimini tamamlighanliqlirini bildürdi.
türkiye awazi radiyosi xewiri: amérika qoshma ishtatliri pirézidénti jo baydinning, 11 – séntebir hujumliri xatire künige qeder afghanistandin pütünley chikinish qararidin kéyin, aprél éyining axirqi heptisi bashlanghan chékinish paaliyetliri dawamlashmaqta.
amérika qoshma ishtatliri merkiziy armiye qomandanliq ishtabi teripidin bu heqte élan qilinghan yazma bayanatta, mundaq déyildi: «pirézidént jo baydinning qararidin buyan, amérika qoshma ishtatliri 763 dane C-17 yük matériyallirini afghanistandin élip chiqip ketti, 14 ming 790 dane üsküne, yoq qilinishi üchün, afghanistan dölet mudapiesi eshya oboroti orginigha tapshurup bérildi.»
afghanistandin élip chiqip kétilgen matériyallarning hemmisining herbiy xadimlar ishletkendin kéyinki tashlanduq matériyallar ikenliki, mudapie wasitiliri yaki chong tiptiki üsküniler emesliki qeyt qilinghan bayanatta, amérika qoshma ishtatlirining afghanistandiki 6 herbiy muessesesini afghanistan milliy armiyesige tapshurup bergenliki tekitlinip mundaq déyildi: «merkiziy armiye qomandanliq ishtabi, amérika qoshma ishtatlirining afghanistandin chékinish xizmitining % 50 tin artuq qismining tamamlanghanliqini texmin qilmaqta.»
amérika qoshma ishtatliri merkiziy armiye qomandanliq ishtabi, afghanistandin chékindürülgen amérika eskerlirining sani heqqide téxiche resmiy melumat bermeywatidu.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
