ливанлиқлар иқтисадий киризис пәйда қилған қиммәтчиликкә қарши намайиш өткүзди

түркийә авази радийоси хәвири: икки йилға йеқин вақиттин буйан еғир иқтисадий киризисни баштин кәчүрүватқан ливанда хәлқ намайиш өткүзүп, начарлишип кәткән турмуш шараити, иқтисадий қийинчилиқ, йеқилғу кәмлики қатарлиқ мәсилиләргә наразилиқ билдүрди.

дөләтниң шималий қисмиға җайлашқан районлардики намайишлар җәрйанида йашлар, траблус билән пайтәхт бейрут оттурисидики таш йолни өз ичигә алған нурғун чоң йолларға қум халтилири вә ташларни қойуп, қатнашни тосувалди.

ливанниң шималидики әққар наһийәсидин сүрийә чеграсиға баридиған хәлқаралиқ әлминйа йолиму намайишчилар тәрипидин тосувелинди.

ливан рәсмий хәвәр агентлиқи — NNA, дөләтниң җәнубидики сәйда вилайитидә намайишчиларниң дора кәмчил болуш мәсилиси, ток, су вә йеқилғу тәминләш хизмәтлиридә көрүлүватқан йетәрсзликләргә наразилиқ билдүргәнликини хәвәр қилди.