kanadada yene bir musulman rehber palata ezaliqigha teyinlendi

türkiye awazi radiyosi xewiri: kanada bash ministiri jastin trudu, 105 orunduqluq palatadiki hökümetke ait üch bosh orungha palata ezasi teyinligenlikini uqturdi.

ontario ölkisige hesen yusufni teyinligen trudu, bu heqtiki bayanatida: «hesen yusuf kanadaning eng tejribilik ishchilar rehberlirining biri we kanadaning uyushma herikitige rehberlik qilghan tunji aqtenlik kishi. téxi yéqinda kanada ishchilar qurultiyi bashliqi süpitide ikkinchi qétimliq wezipisini axirlashturdi. u oxshashla 21 dölettiki 55 milyundin artuq ishchigha wekllik qilidighan amérikadiki uyushmilar konfédratsiyesiningmu sabiq bashliqi. yusuf ikki uniwérsitéttin köp sanda rehberlik mukapati we pexriy doktorluq unwani alghan» dégen ibarilerge orun berdi.

trudu 17 – iyunda yuqiri sotning sodiyelikige tarixta tunji qétim bir musulmanni teyinligenidi.

sodiye muhemmed jamal kanadaning asasiy qanun mehkimisi depmu qarilidighan eng yuqiri derijilik sot mehkimiside 1 – iyuldin étibaren wezipe öteshni bashlaydu.

bash ministir jastin truduning her ikki kishini london shehiridiki bir musulman ailige qilinghan térrorluq hujumidin kéyin wezipige teyinlishi diqqetni tartti.

kanadaning ontario ölkisige qarashliq london shehiride 6 – iyun kéchisi bir kishi kichik yük aptomobili bilen piyadiler yolida kétiwatqan besh kishilik bir ailidin 74 yashliq talat afzal, 46 yashliq oghli selman afzal, selmanning 44 yashliq ayali medine we 15 yashliq qizi yumna selmanni basturup, mezkur töt kishining ölümige seweb bolghan.

weqedin éghir yaridarlar halette qutulghan toqquz yashliq oghulliri fayéz selman doxturxanida dawalanmaqta.