hamas israiliyeni agahlandurdi

türkiye awazi radiyosi xewiri: ghezzediki pelestinlik guruppilar, israiliyening uzun yillardin buyan dawamlishiwatqan muhasirisi we yéqinda hasil qilinghan urush toxtitish kélishimini muhakime qilish yighini ötküzdi.

yighindin kéyin hamas yazma bayanat élan qilip: «ishghalchilar we ularning ittipaqdashlirini ghezze muhasirisini bikar qilish mesiliside waqitni ötküzüwetmeslik, muhasirini bikar qilish toghrisidiki buningdin ilgiri béktilgen qedemlerni tashlashtin özini qachurmasliq we (ghezzeni) qaytidin qurup chiqish pilanigha buzghunchiliq qilmasliq toghrisida agahlandurimiz. xelqimiz we qarshiliq körsetküchilirimiz hergizmu süküt qilip turmaydu. düshmen barliq tallashlargha teyyar ikenlikimizni köridu» dégenlerni qeyt qildi.

israiliyening pursetperestlik siyasitining utuqluq bolmaydighanliqigha isharet qilinghan bayanatta: «xelqimizge qilinghan herqandaq bésimni we bezi mesililerni bir – birige chétishni qetiy qobul qilmaymiz. esirni esirge tégishimiz. düshmen buningdin burun körüp baqmighan yaman künlerni köridu. xelqimiz doél élan qilishqa teyyar» dégen ibarilerge orun bérildi.

pelestinning birleshken döletler teshkilati (b d t) bash katipi antonio gutérréstin balilar hoquqini depsende qilghuchilar kirgüzülidighan qara tizimlikke israiliyeningmu kirgüzülüshini telep qilidighanliqi otturigha qoyuldi we israiliyening mezkur tizimlikke kirgüzülmesliki eyiblendi.

b d t ning ottura sherq tinchliq musapisi alahide kordinatori tor wénnéslandning israiliye terepdari pozitsiyegimu naraziliq bildürülgen bayanatta, b d t ning dunyawi, insaniy, siyasiy bir teshkilat ikenliki, ishghalchilar bilen jinayi shériklik yaki her türlük muhasirige duchar bolghan qoralsiz xelqqe qarshi terepni qollash emes, tinchliq ornitish, bolupmu ishghal astidiki xelqlerge yardem bérishke mesul ikenliki tekitlendi.