amérika kabuldiki karzay ayrodurumini qoghdash toghrisida türkiye bilen kélishkenlikini uqturdi

türkiye awazi radiyosi xewiri: jon kirbi kündilik muxbirlarni kütüwélish yighinida soallargha jawab bérip, özlirining afghanistanning bixeterlik weziyitige yéqindin diqqet qiliwatqanliqini, emma amérikaning toluq chékinish waqit jedwilide héchqandaq özgirish yoqluqini eskertti.

türkiye jumhuriyiti dölet mudapie ministiri xulusi aqar bilen amérika dölet mudapie ministiri loyd ostinning téléfon söhbiti jeryanida, (kabuldiki) hamid karzay ayrodurumini qoghdash toghrisida kélishim hasil qilinghan- qilinmighanliqigha dair bir soalgha jawab bérip, ikki ministirning mezkur alaqisining, ötken hepte ishqa ashurulghan jumhur reis rejep tayyip bilen amérika pirézidénti jo baydinning shimaliy atlantik ehdi teshkilati – nato bashliqlar yighini dairiside ötküzgen uchrishishining dawami ikenlikini éytti.

u: «türkiye ayrodurumni qoghdash xizmitige bashlamchiliq qilish wezipisini qobul qildi. biraq, nöwette bu xizmetning tepsilatigha dair jeryanlar muzakire qiliniwatidu. yene qilishqa tégishlik nurghun ishlar bar. türkiye terep amérika we xelqara jemiyetning bu musapini qollishi kéreklikini eskertti. biz nöwette bu nuqta üstide xizmet ishlewatimiz» dégenlerni sözlirige ilawe qildi.