pelestinlikler bilen yehudiy köchmenler otturisida jédel - majira yüz berdi
ishghal astidiki sherqiy quddusqa jaylashqan sheyx jerrah mehelliside pelestinlikler bilen yehudiy köchmenler otturisida yüz bergen jédel - majira sewebidin 7 kishi yarilandi.
1662455
türkiye awazi radiyosi xewiri: yerlik menbelerning bildürüshiche, kech tereplerde ishghal astidiki sherqiy quddusqa jaylashqan sheyx jerrah mehelliside pelestinlikler bilen yehudiy köchmenler otturisida jédel - majira yüz bergen.
orunduq we tashlar ishlitilgen jédel – majirani rayondiki israiliye saqchiliri awaz we yash aqquzush bombiliri arqiliq bésiqturushqa tirishqan.
bezi pelestinliklerni kaltek bilen urghan israiliye saqchiliri, etraptiki bir öyge awaz bombisi atqan.
pelestin qizilay jemiyiti teripidin élan qilinghan yazma bayanatta bildürülüshiche, israiliye saqchilirining mudaxilisi jeryanida 7 pelestinlik yarilanghan, 2 kishi doxturxanigha orunlashturulghan.
