erméniye parlamént saylimida pashinyanning partiyesi birinchi boldi
erméniyede muddettin burun ötküzülgen parlamént saylimida, resmiy bolmighan deslepki netijilerge asaslanghanda nikol pashinyanning partiyesi ghelibe qilghan.
türkiye awazi radiyosi xewiri: erméniye merkiziy saylam komitéti qatnishish nisbiti %49.4 bolghan saylamning resmiy bolmighan deslepki netijilirini élan qildi.
buninggha asaslanghanda, istépa bergendin kéyin saylamghiche waqitliq bash ministirliq wezipisini üstige alghan nikol pashinyanning «puqralar kélishim partiyesi» %53.92 awazgha ériship birinchi, sabiq pirézidént robért kocharyan bashchiliqidiki «erméniye ittipaqi partiyesi» %21.1 awazgha ériship ikkinchi bolghan.
nikol pashinyanning partiyesi %54 awazgha %0.08 kem ériship, öz aldigha hökümet teshkillesh pursitige érishelmidi. %5.23 awazgha érishken, saiq pirézidént we bash ministir sérj sarkisyan qollighan «sheripim bar ittipaqi» mu parlaméntqa kirdi.
sabiq pirézidént robért kocharyanning erméniye ittipaqi partiyesi yazma bayanat élan qilip, saylam netijilirining hazirche étirap qilinmaydighanliqini bildürdi.
pashinyan saylam awazi saniliwatqan waqitta feysbukta bayanat élan qilip, barliq saghlam bolghan siyasiy küchler bilen muzakire qilishni bashlaydighanliqlirini bildürgen idi.
