rusiye qayturup kélingen bash elchisini qaytidin washingitongha yollidi
rusiye prézidénti wiladimir putin we amérika prézidénti jo baydin g 7 bashliqlar yighinida maqullighan qarargha asasen, meslihet üchün chaqirip kélingen rusiyening washingitonda turushluq bash elchisi anatoli antonowni qaytidin washingitongha yollidi.
türkiye awazi radiyosi xewiri: rusiye «riya» agéntliqining xewirige asaslanghanda, bash elchisi anatoli antonow moskwaning shérémétéwo ayrodorumidin amérikigha qarap yolgha chiqqan.
amérika pirézidénti jo baydin 17 – martta rusiye pirézidénti putinning «qatil» ikenlikini ilgiri sürgen we amérika saylimigha mudaxile qilghanliqi sewebidin «choqum bedel töleydu» dégen idi.
buninggha qarita rusiye tashqi ishlar ministirliqi washingitonda turushluq bash elchisi antonowni amérika bilen bolghan munasiwetning qeyerge kétip barghanliqini meslihetlishish üchün moskwagha qayturup kelgen idi.
krémil sariyi yene amérikaning moskwada turushluq bash elchisi jon sulliwanning öz dölitige qaytip kétishini telep qilghan idi. sulliwanmu meslihetlishish üchün 22-aprél washingtongha qaytip ketken idi.
shiwiéyétsariyening jenwe shehiride ötküzülgen bashliqlar yighinida putin bilen baydin bash elchilerning wezipilirige qaytiishini qarar qilishqan idi.
