pakistan amérikagha herbiy baza bermeydighanliqini jakarlidi

pakistan bash ministiri imran xan amérika eskerlirining afghanistandin chékingendin kéyin, heriket qilishi üchün amérika merkizi istixbarat idarisi «CIA» gha pakistanda baza bermeydighanliqini éytti.

1661054
pakistan amérikagha herbiy baza bermeydighanliqini jakarlidi

türkiye awazi radiyosi xewiri: bash ministir imran xan «HBO» téléwiziye qanilining «Axios on HBO» programmisining ziyaritini qobul qilip, pakistanning herbiy bazilarni ishlitishtiki meydanini bildürdi.

pakistan zéminidin afghanistangha qarita herqandaq heriketke yaki herbiy baza qurushqa yol qoyushining mumkin emeslikini bayan qilghan imran xan, amérika eskerlirining afghanistandin chékingendin kéyin, heriket qilishi üchün merkiziy istixbarat idarisi «CIA» gha hergizmu baza bermeydighanliqini éytti.

bash ministir bolushtin ilgirimu hökümetlerni amérikaning afghanistan herikiti üchün pakistan zéminini ishlitishini we pakistanda uchquchisiz ayropilan bilen qilghan hujumlirini tenqid qilip kelgen imran xan, 2018-yili hakimiyet béshigha chiqqandin kéyin pakisstanda ruyxetke élinghan amérikagha tewe herqandan bir uchquchisiz ayropilan hujumi yüz bermigen idi.

amérika merkizi istixbarat idarisi «CIA» pakistan zéminida eng axirqi uchquchisiz ayropilan hujumini imran xan saylamda ghelibe qilghan 2018-yili 7-ayda élip barghan idi.

amérika merkizi istixbarat idarisi «CIA» amérika eskerliri chékingendin kéyin afghanistanda mumkin bolghan meshghulat iqtidarini saqlap qélishning yéngi yollirini izdimekte.

amérika merkizi istixbarat idarisi «CIA» diréktori wilyam burns 5-ayda baza mesilisi sewebidin pakistangha barghan we baza mesilisi toghrisida bash ministir imran bilen körüshüsh telipi ret qilinghan idi.


خەتكۈچ: #herbiy baza , #amérika , #pakistan

مۇناسىۋەتلىك خەۋەرلەر