iran xelqi bügün yéngi pirézidénti üchün bélet tashlaydu

iran xelqi bügün (2021-yili 18-iyun) 13-nöwetlik pirézidéntliq saylimida bélet tashlaydu.

1660501
iran xelqi bügün yéngi pirézidénti üchün bélet tashlaydu

türkiye awazi radiyosi xewiri: iran ichki ishlar ministirliqi saylam merkizi melumatida, texminen 83 milyon nopusqa ige dölette 59 milyon 310 ming 307 saylighuchining bélet tashlaydighanliqi bildürüldi.

saylam netijilirige munasiwetlik deslepki melumatlarning yérim kéchidin bashlap élan qilinishqa bashlinidighanliqi, ete (2021-yili 20-iyun) chüshkiche saylam netijisining jezmlishidighanliqi bildürüldi.

pirézidéntliq namzati testiqlanghan yette kishidin konsérwatip parlamént ezasi eli riza zakani, dölet xewpsizlik aliy kéngishining sabiq bash katipi we yadro bash muzakirechisi seid jelili bilen islahatchi sabiq muawin pirézidént muhsin mihralizade saylamdin chékindi.

konsérwatip namzatlardin inqilabiy muhapizetchiler qismining sabiq qomandani muhsin rizai, parlamént ezasi emir hüseyin qadizade hashimi, sot erki bashliqi ibrahim reisi wemerkiziy bankasining sabiq islahatchi bashliqi abdunnasir himmeti pirézidéntliq üchün riqabetke chüshidu.

iranda pirézidént töt yil boyiche wezipe öteydu we eng köp bolghanda ikki qétim saylinish hoquqi bolidu. bu qétim hazirqi pirézidént hesen ruhani ikki nöwet pirézidént bolghanliqi üchün namzat bolalmidi.

namzatlar birinchi qétimda saylinishi üchün (50+1 ) bélet élishi kérek. birinchi qétimda bu sangha yetken namzat bolmighan ehwalda eng köp awazgha érishken ikki namzat riqabetlishidu. buningda eng köp awazgha érishken namzat pirézidéntliqqa saylinidu.

bu qétimqi saylamda utup chiqqan namzat, iranning 8-nöwetlik pirézidénti bolidu.

islahatchilarning ret qilishi sewebidin konsérwatip namzat ibrahim reisining birinchi qétimdila pirézidéntliqqa saylinidighanliqi perez qilinmaqta.

saylamgha qatnishish nisbitining töwen bolidighanliqi we xelqning köp qismining saylamni bayqut qilishqa mayil ikenliki toghrisida analizlar qilinmaqta.



مۇناسىۋەتلىك خەۋەرلەر