иран хәлқи бүгүн йеңи пирезиденти үчүн беләт ташлайду

иран хәлқи бүгүн (2021-йили 18-ийун) 13-нөвәтлик пирезидентлиқ сайлимида беләт ташлайду.

1660501
иран хәлқи бүгүн йеңи пирезиденти үчүн беләт ташлайду

түркийә авази радийоси хәвири: иран ички ишлар министирлиқи сайлам мәркизи мәлуматида, тәхминән 83 милйон нопусқа игә дөләттә 59 милйон 310 миң 307 сайлиғучиниң беләт ташлайдиғанлиқи билдүрүлди.

сайлам нәтиҗилиригә мунасивәтлик дәсләпки мәлуматларниң йерим кечидин башлап елан қилинишқа башлинидиғанлиқи, әтә (2021-йили 20-ийун) чүшкичә сайлам нәтиҗисиниң җәзмлишидиғанлиқи билдүрүлди.

пирезидентлиқ намзати тәстиқланған йәттә кишидин консерватип парламент әзаси әли риза закани, дөләт хәвпсизлик алий кеңишиниң сабиқ баш катипи вә йадро баш музакирәчиси сәид җәлили билән ислаһатчи сабиқ муавин пирезидент муһсин миһрализадә сайламдин чекинди.

консерватип намзатлардин инқилабий муһапизәтчиләр қисминиң сабиқ қомандани муһсин ризаи, парламент әзаси әмир һүсәйин қадизадә һашими, сот әрки башлиқи ибраһим рәиси вәмәркизий банкасиниң сабиқ ислаһатчи башлиқи абдуннасир һиммәти пирезидентлиқ үчүн риқабәткә чүшиду.

иранда пирезидент төт йил бойичә вәзипә өтәйду вә әң көп болғанда икки қетим сайлиниш һоқуқи болиду. бу қетим һазирқи пирезидент һәсән руһани икки нөвәт пирезидент болғанлиқи үчүн намзат болалмиди.

намзатлар биринчи қетимда сайлиниши үчүн (50+1 ) беләт елиши керәк. биринчи қетимда бу санға йәткән намзат болмиған әһвалда әң көп авазға еришкән икки намзат риқабәтлишиду. буниңда әң көп авазға еришкән намзат пирезидентлиққа сайлиниду.

бу қетимқи сайламда утуп чиққан намзат, иранниң 8-нөвәтлик пирезиденти болиду.

ислаһатчиларниң рәт қилиши сәвәбидин консерватип намзат ибраһим рәисиниң биринчи қетимдила пирезидентлиққа сайлинидиғанлиқи пәрәз қилинмақта.

сайламға қатнишиш нисбитиниң төвән болидиғанлиқи вә хәлқниң көп қисминиң сайламни байқут қилишқа майил икәнлики тоғрисида анализлар қилинмақта.



مۇناسىۋەتلىك خەۋەرلەر