qarataghda irqiy qirghinchiliqni inkar qilghan ministir wezipisidin élip tashlandi
qaratagh parlaménti qoshna döliti bosniye-gértségowinada 1995-yili yüz bergen srébrénitsa irqiy qirghinchiliqini étirap qilish we inkar qilghanlarni jazalashqa munasiwetlik qanun teklip-layihesini köp awaz bilen qobul qildi.
türkiye awazi radiyosi xewiri: qarataghda srébrénitsa irqiy qirghinchiliqni inkar qilghan bayanatliri bilen küntertipke kelgen edliye hemde insan bilen az sanliqlarning heq-hoquqi ministiri wladimir léposawij (Vladimir Leposavic) hoquqidin élip tashlandi.
bosniye-gértségowinada 8 mingdin artuq boshnaq sérb herbiy qisimliri teripidin qirghin qilinghan irqiy qirghinchiliqni inkar qilghan bayanatlar élan qilinghandin kéyin, qarataghdiki boshnaq partiyesi teripidin irqiy qirghinchiliqni étirap qilishqa munasiwetlik teyyarlanghan qanun layihesi, 55 parlamént ezasining qollishi bilen parlaméntta qobul qilindi. qanun layihesige 19 parlamént ezasi ret awazi tashlidi, yette parlamént ezasi hoquqidin waz kechti.
qanun layihesini parlaméntning küntertipige élip kelgen boshnaq partiyesining parlamént ezaliridin erwin ibrahimowij parlaménttta qanun layihesining qobul qilinishining, qarataghda muresse üchün muhim qedem bolghanliqini qeyt qildi.
srébrénitsa irqiy qirghinchiliqini inkar qilghan bayanatliri bilen mezkur weqeni peyda qilghan ministir léposawij 43 parlamént ezasining qollishi bilen wezipisidin élip tashlandi. buninggha, 27 parlamént ezasi ret awazi tashlidi, 10 parlamént ezasi hoquqidin waz kechti.
sérb «qassap» ratko mladij qomandanliqidiki sérb herbiy qisimliri 1995-yili 11-iyul bosniye-gértségowinaning sherqidiki srébrénitsagha bésip kirip bir qanche kün dawam qilghan irqiy qirghinchiliqta, eng az dégende 8 ming 372 boshnaq öltürülgen we jesetliri oxshimighan qebristanliqlargha kömülgen.
xelqara jinayi ishlar soti 2007-yili chiqarghan qarar bilen, sabiq yugoslawiye xelqara jinayi ishlar soti (ICTY) ning delil-ispatlirigha asasen srébrénitsa we etrapida yüz bergenlerni «irqiy qirghinchiliq» dep atighan idi.
