baydin «qulluq tüzüm» we «fédératsiye bayrimi» gha munasiwetlik qanunni maqullidi

amérika qoshma ishtatliri pirézidénti jo baydin 1865 - yili «qulluq tüzüm» ning cheklengenlikini xatirilesh meqsitide tebriklinidighan we «junéténs» dep atalghan 19 – iyunning «fédératsiye bayrimi küni» bolushi mezmun qilinidighan qanunni maqullidi.

1660476
baydin «qulluq tüzüm» we «fédératsiye bayrimi» gha munasiwetlik qanunni maqullidi

türkiye awazi radiyosi xewiri: amérika qoshma ishtatliri pirézidénti jo baydin aqsarayda ötküzgen axbarat élan qilish yighinida, amérika tarixidiki «qulluq tüzüm» ning bikar qilinishining nahayiti zor ehmiyetke ige ikenlikini tekitlep mundaq dédi: «chong jemiyetler, eng qattiq derd – elemlik ötmüshlirini hergizmu nezerdin saqit qilmaydu, eksiche hemishe xatirilep turidu. chong jemiyetler ötmüshidin qachmaydu, eksiche xataliqlirining netijiliri bilen yüzlishidu.»

amérikadiki afriqa qitesidin kelgen xelqlerning döletke nahayiti zor töhpilerni qoshqanliqini eskertken baydin, qulluq tarixi we qulluqning eks tesirliri toghruluq ishlinishke tégishlik nahayiti köp xizmetlerning barliqini qeyt qildi.

baydin, nutiqidin kéyin, her yili 19 – iyun künining «fédératsiye bayrimi küni» bolushi üchün ilgiri awam palatasi we kéngesh palatasi teripidin testiqlanghan qanunni imzalidi.

amérikada 1865 – yili 19 – iyun «qulluq tüzüm» emeldin qaldurulghanidi.



مۇناسىۋەتلىك خەۋەرلەر