پىرېزىدېنت بايدىن ئىسىرائىلىيەنىڭ يېڭى باش مىنىستىرىنى تەبرىكلىدى

تۈركىيە ئاۋازى رادىيوسى خەۋىرى: ئاقساراي پىرېزىدېنت جو بايدىننىڭ ئىسىرائىلىيەنىڭ يېڭى باش مىنىستىرى نافتالى بېننېتنى تەبرىكلىگەنلىكى توغرىسىدا بايانات ئېلان قىلدى.

باياناتتا بىلدۈرۈلىشىچە، پىرېزىدېنت بايدىن ئامېرىكا-ئىسىرائىلىيە مۇناسىۋەتلىرىگە ۋە ئىسىرائىلىيەنىڭ خەۋپسىزلىكىگە بولغان «تەۋرەنمەس» قوللىشىنى تەكرارلىغان.

باياناتتا، بايدىن بېننېتقا رايون دۇچ كېلىۋاتقان نۇرغۇن قىيىنچىلىقلار ۋە پۇرسەتلەرگە نىسبەتەن، ئامېرىكا-ئىسىرائىلىيە ئوتتۇرىسىدىكى ھەمكارلىقلارنى چوڭقۇرلاشتۇرۇش مەسىلىسىدە قەتئىي ئىرادىگە ئىگە ئىكەنلىكىنى يەتكۈزگەنلىكى بىلدۈرۈلدى.

بايدىن ئامېرىكانىڭ ئىسىرائىلىيەلىكلەر ۋە پەلەستىنلىكلەرنىڭ تىنچلىقى، بىخەتەرلىكى ۋە پاراۋانلىقى ئۈچۈن ئىسىرائىلىيە ھۆكۈمىتى بىلەن يېقىندىن ھەمكارلىشىدىغانلىقىدىن بېشارەت بەرگەنلىكى قەيت قىلىندى.