xitayning bash kötürüshi mesilisi nato yighinining küntertipidin orun aldi
nato döletlirining dölet we hökümet bashliqliri qatnashqan yighin, bélgiye paytexti biryussélgha jaylashqan nato merkizide bashlandi.
türkiye awazi radiyosi xewiri: nato döletlirining dölet we hökümet bashliqliri yighinigha, türkiyege wakaliten jumhur reis rejep tayyip erdoghandin bashqa, 30 ittipaqdash döletning rehberliri qatnashti.
yighinning küntertipide, ittipaqning kelgüsi 10 yilliq pilan-layihesini belgilesh, natoning istratégiyelik uqumini yéngilash, xitayning bash kötürüshi, yéqinqi yillarda barghanséri yiriklishiwatqan rusiye bilen bolghan munasiwetler we ukraina mesilisi, intérnét tor tehditliri, térrorluqqa qarshi küresh, weyran qilish xaraktérlik téxnologiyeler, kilimat özgirishining xewpsizlikke körsitidighan tesirliri we afghanistandiki nato qisimlirini chékindürüsh qararidin kéyinki weziyet qatarliq témilar bar.
nato bash katipi stolténbérg yighin axirlashqandin kéyin, axbarat élan qilish yighini ötküzüp melumat béridu. yighin xitabnamisi élan qilinidu.
nato döletlirining bashliqliri tünügün kech (2021-yili 13-iyun) tin bashlap biryussélda ayrim uchrishishlarni bashliwetken idi.
yighin axirlashqandin kéyin, bezi rehberlerning nato merkizide ayrim uchrishishlarni dawamlashturidighanliqi perez qilinmaqta.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.