بەششەر ئەسەد ھاكىمىيىتىنىڭ كونتروللۇقىدىكى تېررورچى گۇرۇپپىلار ئىدلىبقا ھۇجۇم قىلدى

تۈركىيە ئاۋازى رادىيوسى خەۋىرى: ئىدلىبنىڭ جەنۇبىدىكى مائاراتۇننۇمان ناھىيەسىدە تۇرۇشلۇق بەششەر ئەسەد كۈچلىرى، ئىدلىبنىڭ جەنۇبىدىكى « M4» تاش يولىدا باغارا، بەينىن ۋە كەنسەفرا يېزىلىرىغا قۇرۇقلۇقتىن ھۇجۇم قىلىپ، ئۇرۇش توختىتىش كېلىشىمىگە خىلاپلىق قىلدى.

ھۇجۇمدا ئىككىسى بالا، بىرى ئايال بولۇپ، جەمئىي 3 پۇقرا يارىلاندى، يارىدارلار يېقىن ئەتراپتىكى دوختۇرخانىلارغا ئورۇنلاشتۇرۇلدى.

بەششەر ئەسەد ھاكىمىيىتى ۋە قوللىغۇچىلىرىنىڭ، ئىدلى ۋىلايىتىگە يېقىنقى بىر ھەپتە ئىچىدە قىلغان ھۇجۇملىرىدا 20 پۇقرا قازا قىلدى، 36 پۇرا يارىلاندى، 1867 پۇقرا ئۆي – ماكانلىرىدىن ئايرىلىپ قالدى.